Unity: Panawagan ng AFC

Kahapon ng umaga, September 28, 2008 ay nagsimula ng mag-ensayo ang bagong koponan ng AFC para sa larong soccer. Ito ay bilang paghahanda sa nalalapit na International Unity Festival kung saan ang larong soccer ay isa lamang sa mga larong sinalihan ng iba't-ibang bansa. Ito ay pinamumunuan ng Ansan City Hall upang mapagbigkis-bigkis ang lahat ng migranteng mangagawa mula sa iba't-ibang bansa. Ito na ang ikatlong subok ng koponan ng Filipino na pinangungunahan ng AFC volunteers.


Ang kauna-unahang AFC soccer team na lumahok noong 2006







2007 AFC soccer team









Isa pang AFC volunteer ang nagpaalam kahapon upang bumalik sa Pinas. Ito ay si Alex Montealto na nagsimulang maglingkod bilang miyembro ng AFC noong 2006. Iniabot ni Galilea Director Rev. Fr. Kristianus Piatu, SVD at AFC President Kathlia De Castro ang plake sa masipag na si Alex bilang pagkilala sa kanyang mga ambag na talento bilang AFC volunteer. Naging emosyonal si Alex sa kanyang iniwang maiksing talumpati. Inilahad niya ang kanyang kwento kung bakit siya biglang napauwi sa Pinas. Ito ay dahil nahulihan ng TNT ang kanyang kumpanya kung kaya hindi siya pinayagan ng Labor Center na magrenew pa ng kanyang kontrata. Ayon kasi sa patakaran ng Immigration at Labor Center, ang kumpanyang nahuhulihan ng mga iligal na manggagawa ay hindi pinapayagang mag-hire ng tao sa loob ng isang taon. Dahil dito nanawagan siya sa lahat na itigil ang kumakalat na sumbungan upang makinabang ang lahat sa mga trabahong mayroon dito sa Korea. Hiniling rin niya na maglaan ang lahat ng isang oras upang bisitahin ang simbahan at makinig ng misa tuwing linggo. Aniya ito ang kanyang naging hugutan ng lakas sa kanyang 3 taong pamamalagi dito sa bansang Korea.
















Tinanggap ni Alex Montealto ang plake mula kay Rev Fr. Kristianus at AFC pres. Kathlia De Castro bilang pagkilala sa kanyang pagiging AFC volunteer.





Nagbahagi naman ang AFC sa Galilea ng kinita nito sa nakaraang anniversary raffle draw ng 1milyon won bilang tulong sa Galilea. Iniabot ni Pres. Kathlia ang donasyon kay Rev. Fr. Kristianus Piatu ang sobre kahapon sa misa. Nagpasalamat din ito sa lahat ng tumangkilik ng nasabing raffle draw.




Tinanggap ni Fr. Kristianus ang donasyon ng AFC mula sa kinita ng nakaraang anniversary raffle draw.





Matapos ang banal na misa ay nagtipon-tipon ang lahat ng lider ng iba't-ibang organisasyon dito sa Ansan at AFC officers upang paghahanda sa nalalapit na kapaskuhan. Isa rin itong paraan ng AFC upang muling mapagbuklod-buklod ang lahat ng Pilipino dito sa Ansan. Matatandaan na sunod-sunod ang awayan na kinasasangkutan ng ilang mga grupo dito sa Ansan. Sa nasabing meeting ay naiparating din ang lahat ng kaganapan at ilang mensahe mula sa Philippine Embassy at ilang balita mula sa labor center at immigration office.


Ang ginanap na pagpupulong ng mga lider ng iba't-ibang samahan sa Ansan kasama ang mga opisyal ng AFC.





Naging masaya at puno ng balitaktakan ang nasabing pagpupulong. Nagbigay rin ang ibang lider ng ilang suhestiyon sa pagpapaganda ng samahan ng lahat ng organisayon na sinang-ayunan naman ng karamihan. Nangako rin na magbibigay ang lahat ng tulong sa bawat-isa sa para sa mga mangangailangan. Ito ay pagpapatunay na lahat ay nagnanais ng katahimikan at magandang samahan ang mga Pilipino dito sa Ansan.

Mabuhay ang mga Pilipino dito sa Ansan!

Signature Campaign in Ansan

Bumisita noong nakarang linggo, September 21, 2008 ang FEWA officers and members at SULYAPINOY staff sa Ansan Filipino Community upang mangalap ng pirma bilang pagtutol sa kasunduan ng SSS-NPS. Ang signature campaign na pinangungunahan ng nasabing mga grupo ay naglalayong tutulan ang pagbibigay ng karapatan sa Social Security System o SSS na kunin ang pera ng mga OFW sa Korea na tumatanggap ng National Pension. Ang naturang signature campaign ay muling inilunsad noong August 24 bilang follow-up sa naganap na paunang signature campaign noong nakaraang taon.


Abalang pumipirma ang mga taga-Ansan bilang pagtutol sa kasunduan ng NPS-SSS









Kasama sa mga bumisita ang bagong Presidente ng FEWA na si Mr. Sofonias "Chabok" Paragsa, Administrative adviser Mr. Rebenson " Reeve" Recana, Editor-in-Chief of Sulyapinoy Mr. Elizer Penaranda, Managing Editor Mr. Dondave Jabay at marami pang iba.




Signature Campaign Video sa Ansan


Dumagsa ang mga lagda ng mga taga-Ansan at mga kalapit lugar noong mga araw na iyon. Pagpapatunay na hindi pinapayagan ng mga ito ang pagpapatupad ng kasunduan sa pagitan ng SSS at NPS.



(SULYAPINOY Managing Editor Mr. Dondave Jabay at AFC volunteer na abalang nagtatanong na may kinalaman sa SSS-NPS social security agreement)




(FEWA Administrative Adviser Mr. Rebenson "Reeve" Recana habang ipinapaliwanag ang nasabing signature campaign)


Pagkatapos ng pirmahan ay saglit na nagkaroon ng oras ang mga taga-FEWA, SULYAPINOY at AFC volunteers upang magkakilala. Agad ding umalis ang grupo para puntahan ang ilang pang lugar.



FEWA at SULYAPINOY officers and staff kasama ang ilang AFC volunteers


NOTE: Para sa karagdagang kaalaman bisitahin ang www.sulyapinoy.org. Maaari ring makilahok sa malawakang pirmahan kontra sa SSS-NPS social security agreement sa pamamagitan ng online petition na makita sa nabanggit na website mula sa sulyapinoy.

Let's Celebrate

Muling nagkaroon ng oras lahat ng AFC volunteers na magkatipon-tipon sa hwarang park upang gawin ang selebrasyon ng mga miyembrong nagdiwang at magdiriwang ng kaarawan noong August at ngayong buwan ng September. Maraming pagkain ang pinagsaluhan ng lahat. Ito ay mula sa mga taong may kaarawan noong August at September. Nagbigay rin ng pagkain ang mag-asawang Emsa at Arlan para naman sa kanilang isang taong anibersaryo bilang mag-asawa.


AFC Volunteers sa Hwarang Park












Bago magsimula ay nagbigay muna ng paunang salita si Vice President Richard Francisco ng AFC. Dito ay kanyang pinasalamatan ang lahat ng may kaarawan sa pagbibigay ng mga pagkaing ambag at oras para makasama ang mga AFC volunteers sa kanilang pagdiriwang. Nasundan ito ng maikling panalangin sa pangunguna ni Jennet Cacayuran, isa sa mga nagdiriwang ng kaarawan. Kinantahan ng lahat ng dumalo ang mga taong may kaarawan. Matapos ito ay agad nilang pinagsaluhan ang mga pagkaing handa.





Nagkaroon ng mahabang inuman, kwentuhan, biruan at tawanan ang lahat. Muling nakita ang saya sa lahat ng mga araw na iyon. Wala rin tigil ang mga ito sa pag-pose sa mga camera bilang alaala.
















Gabi na ng matapos ang kasiyahan. Busog sa pagkain at sa mga alaalang masaya ang lahat. Ngiti sa mukha ay bakas sa lahat bago lisanin ang lugar. Sa kaunting oras ay muling nadagdagan ng pundasyon ang pagsasamahan ng AFC volunteers.

Happy Birthday uli sa mga sumusunod:
Billy, Manny, Llama, Nyl, Jennet, Albert, Jemar, Ernie, Jayson, Emil at Anthony. Maraming salamat sa mga pagkain. Kina Emsa at Arlan, kasama n'yo ang AFC sa mga problema at tagumpay ninyo bilang mag-asawa.



ang huling grupo na magkakasabay na umuwi

Everland 2008

Noong nakaraang linggo, September 13, 2008 ay muling tinungo ng AFC ang Everland upang makapamasyal. Sakay ng 4 na bus ay nilisan ng 190 katao ang Ansan bandang alas-9 ng umaga patungong Everland na matatagpuan sa Yongin, Korea. Matapos ang halos isang oras na biyahe ay nakarating ng ligtas ang lahat. Sabik na bumaba ng bus ang ilan na ngayon lamang narating ang Everland. Habang hinihintay ang bawat lider ng bus ay walang tigil ang flash ng camera ng lahat bilang remembrance.




Bus no. 3 participants

Leader: Billy Vela

Asst. Leader: Rachel Pangga and Marlon Clamonte






Matapos maibigay ang mga ticket sa lahat ay agad na naghiwalay ang mga grupo upang higit na masulit ang ganda ng Everland. Maraming mga rides ang naroon kabilang na ang doble rock spin, hurricane, eagle's fortress, let's twist at marami pang iba. Pinilahan din ang isa sa mga bagong rides na T-express. Ito ay gawa sa kahoy at ang pinakamataas na rides sa Everland. Mayroon itong 77 degrees slanting position na kinakatakutan ng ilan. Para naman sa iba isang malaking challenge na ito ay masakyan.


double rock spin with me and some afc volunteers


Amazon Express with my friends



Para naman sa mga hindi kaya ang mga rides ay nakuntento na ang mga ito sa Safari World kung saan makikita ang iba't-ibang hayop. Bukod sa safari ay mayroon din maliit na zoo na kinagiliwan din ng lahat na nagtungo roon.

Naging makulay rin ang everland dahil sa mga mascot nito at iba't-ibang karakter mula sa isang show na Olympus Fantasy. Puno ng ilaw at makukulay na kasuotan ang buong katawan ng mga ito.












Bandang 9:30ng gabi ng simulan ang short play ng everland na "Olympus Fantasy". Ito ay sang kwento kung paano tinalo ng mabuti ang kasamaan. Sa huli ay isang magandang fireworks display ang nasaksahan ng lahat. Tumagal ang fireworks display ng halos 5 minuto. Ang pagtatapos ng fireworks display na rin ang naging hudyat ng lahat upang umuwi.

AFC and Galilea Anniversary

Muling nagtipon-tipon ang mga taga-Ansan sa pagdiriwang ng ika-11 taong anibersayo ng Galilea at ika-16 na taon naman para sa AFC kahapon, September 07, 2008 sa Choji Welfare Center. Ang misa ay nagsimula bandang ala-una ng hapon na pinangunahan ni Fr. Kristianus Piatu kasama sina Fr. Dennis Callan, Fr. John Kennedy at Fr. Mandy Dayao. Naging higit na mahusay ang choir sa kanilang pag-awit sa banal na misa. Kapansin-pansin din ang takbo ng misa na pinaghandaan ng buong miyembro ng liturhiya.


Ang mga pari at sakristan habang ginaganap ang banal na misa


Communion Song ng AFC Choir na Your Heart Today

Ang buong komunidad at AFC choir

Matapos ang banal na misa ay pinagsaluhan ng lahat ang mga pagkaing ambag ng iba't-ibang organisasyon, pinoy stores at mga taong tumutulong sa AFC at Galilea. Nagmistulang pista sa barrio sa ginawang set-up ng programa at stage na pinagtulong-tulungan ng ilang volunteers at staff ng galilea isang araw bago ang pagtitipon.

ang pila ng mga pagkain mula sa mga iba't-ibang grupo sa Ansan.







John at Billy habang nag-aayos ng stage
Fr. Kristianus, Sr. Ambrosia at Nyl Punzalan habang abala sa pag-aayos ng mesa para sa mga pagkain

Pinangunahan naman ng inyong lingkod (Billy Vela) at Kathlia De Castro ang programa bilang mga masters of ceremony. Sa panimula ng programa ay muling ipinakita ng AFC Dance Troop ang kanilang galing sa pagsasayaw ng "singkil" na kanilang ipinanalo ng
1st prize sa nakaraang Bravo Migrant Contest. Kasunod nito ay ang walang patid na pagsasayaw ng 7 pang katutubong sayaw tulad ng Aray, ragragsakan, gumaquena, bulaklakan, maglalatik, pandango sa ilaw at tinikling mula sa pinagsamang talento ng AFC dance troop at Pearl of the Orient.

Pinalakpakan din ang grupo ng banda na AFC Sessionist Band ng kanilang tugtugin ang ilan sa kanilang mga piyesa. Higit naman hinangaan si Belle Ariola ng kanyang bigyan ng sariling bersyon ang awiting "listen" at "through the rain".

Agaw eksena naman sa lahat ng dumalo ang isa sa mga anghel ng AFC na si Collen Grace ng ito'y makipagsabayan sa mga chikiting ng Hawak-Kamay Immigrant Family Association habang sinasayaw ang "sige ikembot mo".


Sige Ikembot Mo ng Hawak-kamay Immigrant Family Association kasama ang bibong si Coco

Binigyang buhay din ng AFC dance troop ang programa ng kanilang ipakita ang galing sa pagsasayaw ng modern dance. Nagkaroon ang grupo ng isang medley dance at ilan pang sayaw na kanilang nang itinanghal sa iba't-ibang inbitasyon.

Napuno rin ng excitement ang mga taong naroon ng isa-isang bolahin ang mga magwawagi ng 1,000,000won para sa 1st prize, 700,000won sa 2nd prize at 400,000won naman para sa 3rd prize. Nagkaroon din ng 100,000 ang solicitors ng bawat nagwagi. Namigay rin ng 13 gift set bilang consolation prizes.















Ang Asst. Bus. Manager ng AFC na si Marlon Clamonte habang abalang ibibebenta ang mga raffle ticket ng AFC bilang fund raising project ng grupo.






Narito ang mga nagwagi:

First Prize: Angel Ruth Heducos
Solicitor: John Rivera

Second Prize: Nestor Fontanilla
Solicitor: Nestor Fontanilla

Third Prize: Cristopher Duyao
Solicitor: Dennis Monta

13 Consolation Prizes

1.Vangie Orpilla
2.Jack Rowell Datiles
3.Romy/Pinky
4.Rodolfo Busaing
5.Angelo Cacayuran
6.Mexican
7.Liwayway Bautista
8.Diony Lasquite
9.Myrna
10.Ernesto Juan
11.Ronnie Antor
12.Derrick Suldayan
13.Adonis Navales

Nagbigay din panghuling mensahe ang Bise Presidente ng AFC na si Richard Francisco. Dito ay kaniyang pinasalamatan ang lahat ng mga tumulong para higit na maging matagumpay ang naganap na programa. Binigyan pugay niya rin ang lahat ng staff ng Galilea at ilang volunteers maging ang AFC volunteers sa pagbibigay ng oras at sakrispisyo.

Matapos ang programa ay nagtungo ang lahat ng afc volunteers sa Hwarang Park para sa isang hapunan bilang selebrasyon sa naging tagumpay ng anibersaryo.







ilan sa mga kaganapan sa nakaraang anibersaryo




AFC Volunteers kasama ng Galilea Director and Staff pagkatapos ng programa.

Show must go on...

Hindi man naging handa ang grupo ng PEARL of the ORIENT at ilang AFC volunteers ay muli itong nagtanghal sa nakaraang HUG ASIA na isang malaking event ng Ansan City Hall. Ang nasabing mga grupo ay naghanda ng 3 sayaw tulad ng ARAY, BULAKLAKAN at TINIKLING. Ngunit sa hindi inaasahan ay biglang na-cancel ang 2 sayaw na ARAY at BULAKLAKAN. Isinalang ang tinikling bagama't kulang sa ensayo dahil kailangang tumakbo ang munting palabas ng grupo.

NOTE: Hindi talaga para sa tinikling na sayaw ang nasa kaliwang bahagi ng video. At ang tinikling ay ang request ng mga korean. 4 hours lang ang practice ng lahat para sa sayaw na ito.





Nagkaroon muna ng maikling palabas tungkol sa mga taong naimbitahan ang pamilya upang makapiling dito sa korea kahit sa saglit na panahon

(sa screen) isa sa mga pinoy na napabilang sa programa na maimbitahan ang pamilya dito sa korea



Ang grupo kasama ang mga taga-embassy pagkatapos ng programa



Pinagsamang grupo ng AFC at PEARL of the ORIENT











Moral Lesson: Maghanda ng mahusay bago ang programa. hehehe ;-) wink*