World Nubigo Festival '08

May 25, 2008,dinumog ng maraming tao na kinabibilangan ng mga koreano at migrants workers mula sa iba't-ibang bansa ang kauna-unahang World Nubigo Festival na ginanap sa Hwarang Park. Layunin ng programa na mapag-kaisa nito ang lahat ng bansang naririto sa Korea. Nagkaroon ng booth ang bawat bansa para maipakita ang kanilang mga ipinagmamalaking masarap na pagkain. Ang Pinoy Restaurant ni Ate Leah at Kuya Kim ang nabigyan ng pagkakataon na magkaroon ng nasabing booth. Maraming masarap na lutuing pinoy ang pumatok sa panlasa ng maraming taong naroon. Pinilahan dito ang kinasasabikang BB-Q. Bukod dito ilan din sa mga pagkaing inihanda ay ang pansit, lumpiang shanghai, puto atbp.

















Ang masarap na barbeque ng Pinoy Restaurant. Ito ay pinilahan ng maraming pinoy na naroon at ng iba't-ibang lahi na dumalo.



Sa programa ay nagpakita ng galing sa pag-awit si Belle Ariola. Pinahanga nito ang mga manonood ng kanyang awitin ang "Listen" na una ng pinasikat ni Beyonce. Ang magaling na banda na kinabibilangan ni Von at Ricky ang tumugtog para sa kanya.
Husay naman sa pagsayaw ang ipinamalas ng AFC dance troop ng sila ay umindak sa saliw ng isang korean dance song.

Hapon na ng simulan ang pinaka main event ng programa, ang libreng pa-concert. Nag-imbita ang Ansan City Hall sa pamumuno ng kanilang Mayor na si Hon. Joo Won Park. Maraming artista ang dumalo mula sa maraming bansa. Si Aiza Seguerra ang tumayo bilang representative ng Pilipinas. Kanyang inawit ang "ipagpatawad mo" at ang kanyang sikat na awiting "pagdating ng panahon".

















Si Aiza seguerra habang umaawit ng "ipagpatawad mo". Pagkatapos nito ay agad niya itong sinundan ng kanyang sikat na awiting "pagdating ng panahon".




Sa likod ng stage ay nag-paunlak si Aiza sa mga tagahanga ng mabilis na picture taking. Ngunit dahil sa higpit ng seguridad ng mga koreano ay agad itong nahinto.



















Ang mga fans kasama si Aiza



Bilang pagtatapos ng programa ay itinali ng mga koreano at AFC volunteers ang mga tela na nasa likuran ng mga manonood na may iba't-ibang kulay.
Habang itinatali ito ay unti-unting nabubuo ang tila isang watawat na may makulay na simbolo...ang pagkakaisa ng maraming bansa lalo na ng mga dumalo.


Ang afc volunteers at ilang koreano na nagtali ng mga tela bilang simbolo ng pagkakaisa.


Pagdating ng Panahon by Aiza Seguerra

Galilea Staff and AFC volunteers visits Anmyeondo Beach

Maaga pa lamang ay pinaghahandaan na ng Galilea at AFC ang gaganaping Summer Camp '08 kaya naman binisita ng Galilea Staff at ilang AFC volunteers ang Anmyeondo Beach upang matiyak na makukuha ang lugar. Alas-9 ng umaga ng umalis ang nasabing grupo mula sa Ansan. At matapos ang 2 oras na biyahe ay aming narating ang lugar. Agad kaming sinalubong at pinatuloy ng koreanong mag-asawa na siya ring may-ari ng mga resorts. Dahil ang AFC ay ilang beses ng bumalik sa lugar ay agad natandaan ng mag-asawang may-ari ang mga taong sinalubong ng mga ito. Nagkaroon ng mahabang pag-uusap tungkol sa patakaran at posibleng mangyari sa lugar bunga na rin ng mga masayang usapan ng mga taga-galilea at ng may-ari.

Matapos ang pakikipag-usap ay muli naming sinilip ang mga paligid maging ang dagat.



Ang mag-asawang may-ari. Sila ay parehong katoliko.


The Galilea Staff



AFC volunteers with Sajangnim ng resort


Galilea Staff and AFC volunteers at the beach of Anmyeondo












Narito ang ilan lamang litratong kuha sa lugar.








Isang lugar kung saan pwedeng mamahinga o kumain.









Ilan lang sa mga comfort rooms.









Kuha sa main building.









Ang loob ng kwarto









Madadaanan ang tunnel na ito mula sa main building patungong dagat.




















Ang dagat ng Anmyeondo. Ito ay kinakailangang lakarin ng 3 minuto mula sa main building.


















Ang dagat ng Anmyeondo mula sa malayo.




Matapos ang pagbisita at pakikipagkwentuhan, kami ay dinala ng may-ari sa isang kainang malapit doon para sa masarap na tanghalian.



Ang summer camp ngayong taon ay gaganapin sa darating na Aust 1 - 3 dito sa Anmyeondo. Siguradong isa na namang masayang bakasyon ang mangyayari dito. Kaya naman atin ng samantalahin ang pagkakataong malayo tayo sa maiingay na kumpanya. Sa halip ay ingay ng hampas ng tubig sa dagat ang ating maririnig sa summer camp '08. Masaya rin ang summer camp lalo na kung kasama ang mga kaibigan at itinuturing pamilya. Magkita muli tayo para sa SUMMER CAMP '08

Aquaintance Party

Last May 18, 2008 ay ginanap sa Ansan Foreign Workers Center ang isang aquaintance party upang mabigyan ng pagkakataon ang lahat ng volunteers na makapagbonding nang sa ganon ay makilala nila ang isa't-isa lalo na ang mga baguhan. Bandang 6:30pm ng simulan ang nasabing programa na pinagunahan nila Ms. Marites Manicsic at Mr. Billy Vela bilang mga Emcee. Pinangunahan ng AFC Liturgical Chairwoman Mrs. Emsa A. Francisco ang maikling panalangin na sinundan naman ng mga mensahe mula kay Rev. Fr. Jun Perez at ng bagong Galilea Director na si Rev. Fr. Kristianus Piatu. Nagbigay rin ng mensahe ang Presidente ng samahan na si Ms. Kathlia De castro. Nagbigay rin ang mga AFC dance troop ng isang dance number. Dito ay muli nilang pinatunayan ang galing sa pagsasayaw. Matapos nito ay sabay na pinagsaluhan ng mga volunteers ang mga pagkaing inihanda. Ilan sa mga pagkain ay nagmula sa mga taong nagdiwang at magdiriwang ng mga kaarawan ngayong buwan ng Mayo. Sila ay sina Belle, Liza, May, Ethel, Dennis at si Aljon Manalo





The Birthday Celebrants
May, Belle, Aljon, Ethel and Dennis








Matapos ang kainan ay sinimulan na ang pormal na pagpapakilala sa pamamagitan ng pagbibigay ng maikling impormasyon tungkol sa sarili ng bawat isa. Naging masaya ang tagpong ito dahil na rin sa mga kwento at makwelang pagpapakilala ng 68 miyembro na dumalo.


Pagkatapos makilala ang bawat isa ay nagkaroon naman ng mga palaro na dumagdag sa kasiyahan sa mga taong naroon. Umindak at gumiling ang mga volunteers sa gitna ng reception hall bago tuluyang tapusin ang nasabing programa.





Ang mga volunteers habang nagsasayawan



Ang volunteers habang sumasayaw










Ang aquaintance party ay isang mahusay na programa dahil muling nabigyan ng pagkakataon ang mga volunteers na makapagsaya. Ito ay ilan lamang sa mga araw na malayo sila sa mga problema. Ito rin ay matuturing araw ng mga volunteers na nagbibigay serbisyo sa AFC ng walang kapalit. Isa itong araw na hindi malilimutan ng mga nagsipagdalo.

Salamat sa lahat ng mga dumalo at nag-asikaso para sa programang ito!

Ang Sarap Dito...sa AFC!

Gusto ko lamang i-share sa lahat ng bumibisita sa site na ito ang aking munting regalo para sa lahat ng AFC volunteers. Ang video sa ibaba ay aking nilikha para ipakita sa inyo kung gaano kasarap maging miyembro ng ating samahan.

Lahat po ay kuha ng aking camera mula sa iba't-ibang okasyon na naganap sa AFC. Aking pinagsama-sama upang makabuo ng isang munting music video. Hindi po ito opisyal na video para sa AFC. Bunga lamang ito ng aking kabugnutan sa kwarto. LOL


Enjoy the video !!!

AFC Celebrates Mother's Day

Isa na namang espesyal na araw ang nagdaan dahil kahapon May 11, 2008 ay naging opisyal ng miyembro ng simbahang katoliko si baby VenjoMirlo Mervel Villafuerte matapos itong binyagan sa Wongok Church bandang alas dos y medya ng hapon. Bago ang pagbibinyag ay sumailalim muna ang mga magulang na sina Mervieve at Avel kasama ang mga napiling ninong at ninang sa isang seminar ukol sa pagbibinyag.



Si Rev. Fr. Jun Perez at kasama sina Mervieve, Avel at baby Venjomirlo Mervel.


Matapos ang binyag ay isang munting salu-salo ang naganap sa conference room ng Wongok Parish










Ang masasarap na pagkaing pinagsaluhan.

















Sa banal na misa ay ipinagdiwang naman ang espesyal na araw para sa mga nanay. Inawit ni Ella Camat ang "awit kay Inay" bilang handog sa mga ina sa komunidad. Nagbigay rin ng munting bulaklak para sa mga inang naroon.




Ang mga Ina kasama si Fr. Jun habang nag-aabot ng bulaklak.



Awit kay Inay ni Ella Camat.



HAPPY MOTHER'S DAY TO ALL !!!

Kuya Jerry bids goodbye to AFC

Matapos ang 6 na taong di matatawarang pagseserbisyo ay pormal nang nagpaalam si Kuya Jerry sa AFC nitong nakaraang linggo, May 4, 2008. Husay sa larangan ng musika ang kanyang naging puhunan upang manilbihan bilang isang choir director sa Ansan Filipino Community. Sa bawat kalabit ng kwerdas ng kanyang gitara ay musikang nagbigay sa AFC choir ng isang mas magandang awitin. Sa bawat tipa ng kanyang keyboard ay tamang lapat ng musika upang mabigyan ng mas higit na buhay ang ang boses sa simbahan. At sa bawat palo ng drum ay di matatawarang serbisyo na kanyang ibinigay. Lahat tayo ay uuwi rin sa ating lupang sinilangan. Gayon man, malayo man siya ay tiyak akong patuloy nating maririnig ang kanyang mga tugtuging tumatak sa puso ng bawat isa sa atin. Paalam Kuya Jerry...magkikita rin tayo muli.



A tribute for Kuya Jerry