October and November Celebrants

Muling nagkatipun-tipon ang lahat ng AFC volunteers noong nakaraang linggo, November 30, 2008 upang ipagdiwang ang kaarawan ng October at November celebrants. Pagkatapos na pagkatapos ng banal na misa ay agad na nagtungo ang mga ito sa conference room upang pagsaluhan ang mga masasarap na pagkain. Ito ay mula sa mga taong nagdiwang at magdiriwang ng kanilang kaarawan. Matatandaan na nagsimula ang ganitong selebrasyon noong nakaraang buwan ng Mayo ng taong kasalukuyan upang higit na mapatibay ang pagsasama ng AFC volunteers sa pamamagitan ng simpleng pagtitipon nito.

Nagkaroon ng maikling programa kung saan umawit ang bibong si Coco ng birthday song para sa mga may kaarawan. Ito ay nasundan ng awiting GOM SE MARI na isang awiting pambata ng mga koreano. Bago hipan ang kandila ay hiningian muna ang lahat ng may kaarawan ng kanilang birthday wishes. Ang ilan ay nagbigay ng nakakatawang kahilingan sa kanilang kaarawan habang ang iba naman ay seryosong inilahad ang kanilang hiling.







Pinangunahan ni Fr. Kristianus ang panalangin at si VP Richard naman ang nagsilbing organizer at MC ng araw na iyon. Ang lahat ay nabusog sa handang masarap na pagkain. Agad rin namang pinagtulangan ng mga kalalakihan ang paglilinis ng lugar habang nagpatuloy naman ang iba sa kanialng rehearsal tulad ng choir at cultural dance practices.








Bukod sa nabanggit na selebrasyon, si JM at Elgin ay nagdiwang na ng kanilang kaarawan noong nakaraang October 25. November 8 naman si Aaron at November 15 si John Cook. Ang lahat ng nabanggit ay ipinagdiwang sa bahay ni Rachel alas-8 ng gabi kung saan si Billy at John ang pangunahing naghanda ng pagkain sa tulong na rin ng mga taong may kaarawan.

Maligayang kaarawan muli sa inyong lahat mula sa AFC Family!!!