Goodbyes

Opisyal ng nagpaalam si Mauro Dimabildo na naging miyembro ng AFC ng halos 3 taon sa AFC nitong nakaraang linggo, June 22, 2008. Kanyang tinanggap ang plake at regalo mula sa mga kasapi ng AFC sa misa. Nahihiya man ay nagpaunlak naman itong magbigay ng maliit na talumpati sa lahat. Aniya, marami daw siyang natutunan sa AFC na dadalhin niya sa kanyang pag-uwi. Dagdag pa niya ay "kung may umaalis ay may darating". Matatandaan na marami ng aktibong miyembro ng AFC ang nagdesisyong umuwi at ilan pa ang magpapaalam sa grupo sa susunod na linggo.


one special occasion with hardworking volunteer Kuya Mauro










Nitong nagdaang linggo ay nagpaalam na rin ang ibang mga koponan ng basketball sa championship trophy dahil hindi sila pumasok sa semi-finals. Ang semi-finals ay gaganapin sa July 06 habang ang championship ay sa July 20. Nakatakdang maglaro ang Mexican at Amianan sa darating na linggo na parehong nasa ikaapat na pwesto sa kasalukuyan. Do or die, iyan ang tema ng laro ng dalawang koponan.


Mexican team and supporters

Father's Day

Ang June 15 ay isang mahalagang araw para sa mga dakilang ama sa komunidad dito sa Ansan. Ipinagdiwang kasi ng AFC ang Father's Day kasama ang mga amang dumalo sa misa. Bukod sa espesyal na panalangin para sa kanila ay nagkaroon rin ng pagbabasbas si Fr. Jun Perez sa lahat ng amang naroon. Muli ring pinahanga ni Belle ang mga ama at nagsipagdalo ng misa ng kanyang awitin ang "You Raise Me Up" bilang munting handog ng AFC.



Ang mga Ama sa komunidad ng Ansan habang binabasbasan ni Fr. Jun Perez





Ang mga ama na miyembro ng AFC habang mahusay na nakikinig sa awiting "You Raise Me Up"




Proud Fathers ng AFC











Matapos ang misa ay agad na nagtungo ang mga volunteers sa AFC lobby upang bisitahin ang magandang angel na si Ariane Faith. Kanilang pinagsaluhan ang mainit na sopas na inihanda ng proud na tatay ni Ariane na si Arlan. Si Ariane ay nakatakdang binyagan sa June 29, 2008 sa Wongok Church. Sa darating namang July 08 ay iuuwi ni Dina ang bata sa Manila.



Si Fr. jun at ilang AFC members matapos bisitahin ang mag-anak na sina Emsa, Arlan at ang bagong angel ng AFC na si Ariane Faith.











Naging maayos rin naman ang paliga ng basketball na ginanap sa Choji High School ng araw na iyon. Nakatakdang maglaban ang apat na koponang papasok sa championship sa darating na July 20, 2008. Masungkit kaya ng ibang koponan ang titulo na kasalukuyang hawak ng Pangasinan Waves? Kanino kayang team ang papasok sa semi-finals? Abangan!



NOTE: Salamat kay JM para sa video at ilang pictures. Gayon din kay Allen sa ibang litratong aking ginamit sa article na ito.

We have a new members of the family !!!

Ang mga magaganda at malulusog na sina
Baby Arianne Faith at Baby Angel Lyka

















Matapos dalhin ng 9 na buwan sa kanilang sinapupunan ay matagumpay na isinilang nina Wilma Rivera at Emsa Francisco ang mga malulusog na sanggol. Noong June 08, ay isinilang ni Wilma si Baby Angel Lyka habang si Baby Arianne Faith naman ay nitong nakaraang araw lamang, June 10, 2008.

Walang pagsidlan ang naramdaman ng kanilang mga asawa na sina John at Arlan para sa kanilang bagong miyembro ng pamilya.

To Wilma and John at Emsa and Arlan,

CONGRATULATIONS mula sa inyong AFC FAMILY.

And the winners are.....

Kasama ang ilang miyembro ng iba't-ibang organisasyon dito sa Ansan ay umalis kahapon ang ilang AFC volunteers sa pangunguna ni Pres. Kathlia upang makidalo sa ika-110 taong Araw ng Kalayaan ng Pilipinas at ika-13 taon ng Migranteng Manggagawa na ginanap sa Hangang Park, Seoul,Korea. Ang nasabing pagtitipon ay binuo ng Embahada ng Pilipinas dito sa South Korea. Nagkaroon ng Banal na Misa bandang alas-9 at kasunod nito ay ang maikling programa. Sa tulong ng mga sponsors ay naimbitahan ang 2 kilalang artista ng pinas upang magbigay ng saya sa pagdiriwang. Sila ay sina Geneva Cruz at Pretty Trishzsa. Sinayaw ng AFC representatives ang BULAKLAKAN na umani ng masigabong palakpakan. Nagkaroon ng munting patimpalak para sa BEST BOOTH contest. Madami ang naglaban-laban sa nasabing patimpalak ngunit sa huli ay tinanghal pa rin na BEST BOOTH ang pag-aari ng Ansan Filipino Community.



Ang representatives ng AFC habang sumasayaw ng bulaklakan.



Korean singer na si Chung Dong Ah at Geneva Cruz habang inaawit ang A Whole New World.



Tinanggap ni AFC Pres. Kathlia ang plake mula kay Ambassador Luis Cruz para sa BEST BOOTH











Matagumpay rin na naidaos ang basketball tournament na ginanap naman sa Olympic Gym. Kasabay nito ay ang Banal na Misa sa Wongok Parish alas-3 ng hapon. Bagama't kulang ang miyembro ng AFC choir dahil sa magkakasabay na programa sa iba't-ibang lugar ay lumutang pa rin ang galing ng mga ito sa pag-awit. Naging maganda rin ang ibinigay na homiliya ni Rev. Fr. Jun Perez na siyang naging celebrant sa naganap na misa.


Buong kumpiyansa namang sumayaw ang Ansan Filipino Dance Troop sa kauna-unahang patimpalak na Bravo Migrant Contest. Ito ay ginanap sa Dalmaji Theater kahapon. Mahigit 18 na grupo ang sumayaw mula sa iba't-ibang bansa sa nasabing patimpalak at isa na dito ang Ansan Filipino Dance Troop. Kanilang ipinakita ang galing sa pagsasayaw ng isang muslim dance na tinatawag na SINGKIL. Inuwi ng Ansan Filipino Dance Troop ang 1st prize worth 1million won habang 2nd prize naman ang bitbit ng Pearl of the Orient na binubuo rin ng mga Pilipina.



Ansan Filipino Dancers



Ansan Filipino Dancers with their winning dance piece



Winning Moment of Ansan Filipino Dance troop

Marites celebrated her last mass with the AFC

Matapos ang tatlong taong pagseserbisyo sa AFC ay pormal ng nagpaalam si Marites Manicsic kahapon sa AFC. Iginawad sa kanya ang isang plake ng pasasalamat para sa walang sawang pagsuporta at pagbibigay ng libreng oras sa AFC. Siya ay naging isang malaking kontribusyon para sa kumunidad ng mga pinoy dito sa Ansan. Kanyang hinawakan ang iba't-ibang posisyon sa samahan ng AFC.



AFC Pres. Kathlia, Marites Manicsic at Rev. Fr. Dennis Callan,SVD matapos iabot ang plake.










Hindi napigilan ni Marites ang maiyak ng ito ay magbigay ng munting mensahe ng pasasalamat sa lahat ng kanyang mga kaibigan at sa komunidad. Maging ang mga malalapit na kaibigan ay napaluha sa kanyang binitiwang mensahe. Hindi naman kasi lingid sa kaalaman ng lahat ang matinding samahan ng AFC kaya naman lahat ay nalungkot para sa pag-uwi ni Marites sa pinas.





Si Tess habang nagpapasalamat sa AFC












Pagkatapos ng misa ay agad nagpaunlak si Marites ng picture taking upang magkaroon ng munting alaala ng kanyang huling linggo kasama ang AFC volunteers dito sa Korea. Nagkaroon din ng isang simpleng handaan na binuo ng kanyang malalapit na mga kaibigan. Hindi naman nag-atubili ang iba pang kaibigan na tumulong para sa nasabing sopresang salu-salo. Ang simpleng tambayan na kilala bilang "AFC lobby" ay napuno ng simpleng dekorasyon. Naging masaya ang handaan dahil na rin sa dami ng kaibigang dumalo.



AFC volunteers at si Tess pagkatapos ng Misa.
Ilan lamang sa mga kaibigang dumalo sa sopresang salu-salo.




Ang maiksing video na kuha sa "AFC Lobby" ng munting salu-salong inihanda para kay Tess.