International Unity Festival '08

Muling idinaos ang taunang International Unity Festival sa malawak na Wa stadium noong nakaraang linggo, October 19, 2008. Pinangunahan ito ng Alkalde ng Ansan na si Hon. Park Joo Won. Alas-9 ng umaga ng simulan ang opening ceremony para sa larong soccer na nilahukan ng labing anim na koponan mula sa iba't-ibang bansa kabilang ang Pinas. Ang soccer team ay pinangunahan ng AFC tulad ng nakaraang taon. Pagkatapos nito ay agad na nakaharap ng AFC team ang matitikas na manlalaro ng Ivory Coast. Nagwagi ang kalaban sa score na 5-0.


Major Park Joo Won ng Ansan

Bukod sa soccer ay nilahukan din ng AFC ang iba pang paligsahan tulad ng pagsayaw at pagkanta. Inawit ni Belle Ariola ang awiting pinasikat ni Tae Yeon na " Manyage" o "If". Labing anim silang naglaban-laban mula rin sa iba't-ibang bansa. Inuwi nito ang ikatlong premyo habang ang bansang Mongol naman at Bangladesh ang nag-uwi ng ikalawa at unang pwesto.


Belle singing "manyage"


Ms. Belle Ariola matapos abutin ang premyo para sa ikatlong pwesto sa pag-awit.



Muling sinayaw ng AFC dance troop ang "Singkil" na minsan ng ipinanalo noong nakaraang Bravo Migrant Contest. Mahusay nila itong naitanghal sa harap ng daang-daang tao. Nakalaban nito ang labing-walo pang koponan kabilang na ang Pearl of the Orient at Filipino Dance Group na kapwa Pilipino. Sa huli ay nagwagi ang Filipino Dance Group na nag-uwi ng ikatlong premyo habang Pearl of the Orient naman ang nag-uwi ng ikalawang pwesto. Itinanghal ang Ivory Coast na pinamagaling sa lahat ng kalahok. Hindi man nagwagi ang "singkil" ay umuwi pa rin ang AFC dance group ng masaya dahil na rin sa mga papuring natanggap ng mga ito mula sa mga koreano at kapwa Pilipino.


Singkil by AFC dance troop


AFC dance troop

Bukod sa mga paligsahan ay pinasaya rin ng nasabing festival ang mga taong dumalo dahil sa mga iba't-ibang pakulo na naaksihan. Mayroong mga free picture taking, ibat't-ibang palaro at raffle. Nagkaroon din ng libreng pagkain sa lahat ng nakakuha ng admission ticket.

Muling pinalasap ng PINOY RESTAURANT ang iba't-ibang putaheng pilipino kabilang na ang pinilahang barbecue. Bukod sa Pinoy Restaurant ay mayroon lutong pagkain ang mga bansang nagsipagdalo.


Ang Pinoy Restaurant

Ipinakita rin ng lahat ng bansa ang kanilang mga tradisyon at kultura sa pamamagitan ng munting exhibit sa booth ng bawat bansa.

Nagtanghal din ang Bangladesh at Pilipinas ng kanilang mga wedding ceremonies. Layunin nito na ipakita ang klase ng kasal sa nasabing bansa.





Iba pang kaganapan kuha sa nakaraang International Unity Festival '08


Muling napagbigkis ng City Hall ng Ansan ang lahat ng mga migranteng naninirahan dito sa pamamagitan ng simpleng programang idinaos. Bagama't magkakaiba ng lahi at kultura ay hindi naman ito naging hadlang sa pagkakaisa.

Ansan Catholic Family Day

Muling nagpamalas ng galing sa pagsasayaw ang AFC Dance Troop sa nakaraang pagdiriwang ng Ansan Family Catholic Day noong nakaraang linggo, October 12, 2008. Ginanap ang nasabing pagdiriwang sa malawak na Ansan Lake Park. Dito ay nagkaroon ng misa para sa lahat ng nagsipagdalo. Pagkatapos ng banal na misa ay agad na nagsimula ang programa kung saan ay nagkaroon ng partisipasyon ang lahat ng miyembro ng bawat simbahan sa Ansan kabilang na ang Wongok Parish kung saan kabilang ang AFC.

Nagbigay ng magkakasunod na apat na katutubong sayaw ang AFC Dance Troop. Nauna nilang sinayaw ang "aray" na sinundan agad ng "bulaklakan". Ipinamalas din ng mga lalaking miyembro ng AFC Dance Troop ang galing sa pagsasayaw ng "maglalatik". Bilang pangwakas na bilang ng grupo ay isinalang ang sikat na sayaw ng mga Pilipino na "tinikling".

Natuwa ng mga koreanong naroon. Umani ng mga papuri at masigabong palakpakan ang grupo sa kanilang mga bilang mula sa mga ito.



Ang mga pari sa Ansan


Ang mga nagsipagdalo



Ang Aray


Ang Bulaklakan


Ang Maglalatik


Ang Tinikling


Nag-alay naman ng awitin at munting regalo ang AFC para kay Fr. Jun Perez na nagdiwang ng kanyang kaarawan noong nakaraang October 10, 2008. Inawit ni Gener De Castro ang awiting "one friend" na siyang paborito ni Fr. Jun. Si Fr. Jun ay isa sa mga sumuporta sa AFC Dance Troop sa nakaraang Ansan Catholic Family Day. Kasama siyang inabot ng hatinggabi sa Hwarang Park sa pag-eensayo ng grupo noong nakaraang sabado.


AFC Dancers kasama si Fr. Jun Perez sa huling gabi ng pag-eensayo bilang paghahanda sa gaganaping Ansan Catholic Family Day


Niyakap ni Fr. Jun si Chona Llanes matapos iaabot ang regalo bilang pasasalamat nito.

Nagtipon din ang AFC volunteers at ilang kaibigan ng mag-asawang Belle at Ricky noong nakaraang linggo sa pagdiriwang ng ikatlong kaarawan ng isa sa mga bibong anghel ng AFC na si Coco. Nauna ng nagdiwang si Coco ng kanyang kaarawan sa mismong araw nito noong October 8.


Si Coco na nagdiwang ng kanyang karawan noong October 8

Memories of the Past

Kanina ay aking napanood ang ilang lumang video ng mga datihang miyembro ng AFC sa YOUTUBE. Muling sumagi sa aking isip ang ilang alaala na kasama sila. Natatandaan ko pa noong unang araw na ako'y sumali sa grupo. Tila ayaw ko pang ihakbang ang aking mga paa dahil sa hiya patungo sa opisina ng AFC kung saan sila ay nag-eensayo para sa choir. Ngunit dahil sa aking kagustuhan na magserbisyo katulad nila, lakas-loob akong pumasok sa pinto. Doon ay sinalubong naman ako ng mga taong naroon. Ipinakilala sa ibang kasamahan at tinuruan makihalubilo sa ibang tao.

Habang pinapanood ko ang video sa YOUTUBE, hindi ko maiwasang matawa dahil sa aming mga itsura na niluma ng panahon. Napangiti rin ako sa mga sayaw na tila ba nagwawala at walang sinusunod na dance steps. Sa kabilang banda, napasaya ako ng lumang video dahil kahit papaano ay aking muling nakita ang mga kaibigang matagal ng hindi nasisilayan.

Hay, sadyang ganito ang buhay. May makikilala ka at muling magkakahiwalay. Ngunit ang bakas ng alaala ay mananatiling buhay sa puso ng bawat butihing kaibigan.


AFC Volunteers last MAY 1, 2005 (parish day)



Belle and Ysmael singing Sarang Boda Kibun Sangcho




Ang AFC volunteers isang taon ang nakakaraan



Bagong henerasyon ng AFC volunteers

2008 AFC Soccer Team

Puspusan na ang ginagawang pag-eensayo ng koponan ng AFC para sa nalalapit na soccer game. Ito na ang ikatlong taon ng grupo sa paglahok sa nasabing palaro bilang pakikiisa sa taunang programa ng Ansan City Hall na International Unity Festival na gagawin sa October 19, 2008. Ang grupo ay binubuo ng mga sumusunod:

1. Billy Vela
2. Arlan Zaraspe
3. Henry Magboo
4. John Rivera
5. Aaron Vergara
6. John Cook
7. Dennis Monta
8. Jun Catubay
9. Bro. Callistus
10. Roger Barrido
11. Lito Ibusca
12. Edwin Calica
13. Edwin Bong
14. Rusty Corpin
15. Rene Orocio
16. Rolly Guiam
17. Rene Suganob
18. Romil Lacida
19. Ysmael Salangan



Ang 2008 AFC Soccer Team habang nag-eensayo sa Hwarang Park


Samantala, nagdaos ng general meeting ang AFC noong nakaraang linggo sa conference room ng Wongok Parish. Dito ay tinalakay ang nalalapit na mga programang darating sa mga susunod na araw. Isa na dito ang Catholic Gathering na gaganapin sa October 12, ang magkasabay na International Unity Festival at Free medical check-up sa October 19. Maging ang taunang pagdiriwang ng kapaskuhan kasama ang buong komunidad ay tinalakay rin sa nasabing pagpupulong.


AFC volunteers during the meeting